لا ترمي قشور البرتقال بعد اليوم

سلام الله عليكم عزيزاتي
البرتقال قريب يروح وقتو .لازم نستغلوه مليح هاد الايام.......هادي فكرة رائعة لقشور البرتقال هي مش محببة عند ناس بزاف لكن صدقوني تجي هايلة .

هههانا من نهار تعلمتها .ما زدناش رمينا القشور طول .هههه
الطريقة بسيطة جدااااااااااااا ===قطعو القشور بالطول وغليوها مليح حوالي نص ساعة باش تروح المرارة من الاحسن تغليوها مرة وحدة برك لانها تتطلق بزاف ثم خليوها تقطروحضرو الشاربات .تون عاقدة ....والكمية تكون حسب القشور لي درت
حطي القشور وصبي عليهم الشاربات حتى يتغطاو بيها قد قد ونقصي للنار وخليهم حتى يتشربو الشاربات كامل =المدة تكون من 45 ال 55 د على نار دليلة بزاف
ووهدا الشكل بعد ما طابو.

للتقديم تقدري ترمديهم في السكر كيما لي في الصورة .او خليهم ليلية ينشفو مليح وديريهم في الشكلاطة يجيو هايلين بيها

نصيحة .قطعوهم مربعات صغار وخبيوهم في المجمد واستعملوهم لحشو المادلان والكيك بدل الفواكه المعسلة ......