كيكة بالتمر وسكنجبير لذة مالها مثيل

كيكة بالتمر وسكنجبير

مقادير كيكة بالتمر وسكنجبير

3 بيضات+ 2 خمارات 11 غرام(يعني 3 ديال 7 غرام)+ كاس ديال سنيدة ماعمرش حيت التمر حلو+كاس الزيت ماعمرش + نصف كاس ديال التمر مقطع طريفات+ملعقة كبيرة ديال سكنجبير ممسوحة+ملعقة كبيرة ديال القرفة ممسوحة+كاس عامر ديال الدقيق ممكن اكثر +وطبعا قبصة ملح 
طريقة تحضير كيكة بالتمر وسكنجبير بالصور

 كنديرو البيض في الكاس ديال مولينيكس مع سنيدة يتطرب حتى يبياض ونزيدو عليه الزيت من الفوق بلا منوقفوش التطراب ونزيدو القرفة وسكنجبير والدقيق مغربل مع الخمارات هادشي كولو بلا منوقفوش التطراب وغادي نحصلو على خليط متجانس كنوجدو المول نذهنوه بالزبدة ونرشو عليه الدقيق وعاد نزيدو التمر مقطع ونطربو غير بشوية حتى يتخلط التمر مع الخليط ماشي يتطحن ونخويوه فالمول وندخلوه للفرن حتى يطيب

منين طيب كيكة

نزينوها بالشكلاط مذوب مع نصف ملعقة القرفة وشوية دالحليب تقريبا ملعقة ونخويوه فوق كيكة بشكل عشوائي

وهذا الشكل النهائي ل كيكة بالتمر وسكنجبير