كيك بالفواكه الجافة مغذي جدا ورائع
من موقع نسوة
طريقة تحضير كيك بالفواكه الجافة
مقادير كيك بالفواكه الجافة بالصور
6 حبات بيض + كاس عنبة زيت + كاس عنبة
سكر لي يحب الحلاوة يضيف نصف كاس + نفس الكاس زبيب + نفس الكاس تمر + نفس
الكاس لوز + خميرة الحلوى وزن 20 غ+ كاس د الماء + كاس د الكركاع +دقيق حسب
الخليط أنا عملت الزلافة لي كتشوفو في الصورة+ 2 م ك كاكاو
طريقة تحضير كيك بالفواكه الجافة بالصور
نطرب البيض + السكر + الزيت
نطحن التمر + اللوز + الزبيب مع كاس د الما وممكن تضيفو شوية د الما عند الحاجة
نضيف 2 م ك كاكاو على الخليط لي حصلنا عليه
بعد ما طربنا البيض والسكر والزيت نضيف
خليط الفواكه الجافة مع الكاكاو ونبداو نضيف الدقيق والخميرة شوية بشوية
حتى نحصل على خليط متجانس ميكون لا خفيف بزاف ولا تقيل بزاف المهم أثقل
بشوية من العادي
ندهن المول بالزيت ونرشه بالدقيق
نصب نصف خليط الكيك ونرش كمية من
الكركاع مهرمش لي خلطتو بشوية د الدقيق ونضيف باقي الخليط ونرش باقي
الكركاع على الوجه ودخلتها للفران حتى طابت
هاهي بعد ما خرجت من الفران ممكن تقدموها هكا أو ممكن تزين بالشكلاط أنا اكتفيت برشة سكر كلاصي
شكلها من داخل كتجي معلكة وغزالة
وهذا الشكل النهائي للكيك بالفواكه الجافة