معمول بعقدة اللوز
مقادير المعمول بعقدة اللوز
العجينة:
125غ زبدة لينة
80غ بودرة اللوز
3 ملاعق كبار سكر سنيدة
1 ملعقة كبيرة عسل
1 صفار بيضة
الدقيق حسب الخليط + قبصة ملح
عقدة اللوز:
150غ لوز مصلوق و مقشر و مقلي
2 ملاعق كبار سكر
نص ملعقة صغيرة قرفة
ملعقة كبيرة زبدة
ملعقة كبيرة ماء الزهر
الطريقة
نطحن اللوز مع السكر
نزيد الزبدة و الزهر و القرفة و نطحن حتى تجمع العقدة
هاهي العقدة كتجي معلكة و لديدة
من جهة أخرى نخلط الزبدة و السكر حتى تولي كريمة
نضيف أصفر البيض و العسل و نخلط
و نضيف بودرة اللوز
و نجمع بالدقيق بلا ما ننساو قبصة الملح
العجينة خاص تكون رطبة و مجموعة ما كتلصقش فاليدين و لكن ماشي قاصحة بزاف
نعمل كويرات صغار نعمروهم بعقدة اللوز بحال كيف مبين فالصورة
ندوزو الكويرات فالسكر كلاصي
و نطبعوهم بالمول ديال المعمول اللي متوفر كبير أو صغير حسب الرغبة
نستفو الحلوة فوق لاطة مغلفة بالورق السولفيريزي
ناخد جزء من العجبنة نطلقوها بالمدلك و نرشموها بطابع الوردة الصغير
ندهن بأبيض البيض باش تثبت مزيان
و نزينو بها المعمول بهاد الطريقة
ندخلو اللاطة للفرن يكون سخون و نخليوها حتى تحمر
نغبلوها بالسكر الكلاصي
و نزينوها بالكونفتير ديال الفريز اللي زدنا عليه الكليكوز و نطيبوه حتى يعقاد و نزيدو معاه الملون أحمر
وهذا الشكل النهائي للمعمول بعقدة اللوز